SIKU NIKIFANIKIWA

SIKU NIKIFANIKIWA

Siku nikifanikiwa, swali hili nitatiza

Kweli nitashukuriwa, na watu wasojiweza

Yatima walofiliwa, nitawapa mwangaza

Au taharibikiwa, kwa kuanza kujikweza

Watu nitawaibia, nifanikiwe kwa shari

Dhulma tawafanyia, kwa jeuri na kiburi

Uchawi nitatumia, urozi tangu dahari

Freemason taingia, nikawe hata kafiri

Au nitashughulika, fanikiwe kwa halali

Maharage taridhika, mchunga huku ugali

Ninazoa takataka, kazi yangu ni dhalili

Koradhi kusulubika, kipato kiwe halali

Nitawapa sikitiko, ndugu pia Marafiki

Tulogombea makoko, kipindi nanuka dhiki

Kutokumbuka miiko, kuwaona watubaki

Mbekenyera Kirinjiko, tulisoma kwa hilaki

Nitaheshimu wazazi, au nitawadharau

Nitakumbuka malezi, au nitayasahau

Nitamfata Mwenyezi, diniye chake kirau

Nitakuwa sijiwezi, kwa anasa na vidau

Nitafanya ihsani, au tatenda machafu

Nitakuwa kama nani, lingana wake wasifu

Nami hapa duniani, nitakuwa maarufu

Maswali mengi kichwani, fikira zangu kifipo

Tamati nimefikia, ila jibu sijatoa

Kazi ninawapatia, Islam lobakia

Mdabiri na kujua, kisha mtaniambia

Tahadhari ninatoa, nafsi kujitambua

Chanzo Annur