Utenzi wa CHAWAKAMA Siku ya Kiswahili MUM 01/01/2014

UTENZI WA CHAWAKAMA

SIKU YA KISWAHILI 

CHUO KIKUU CHA WAISLAMU CHA MOROGORO

1.      NAANZA KWA LAKE JINA,

MTUKUFU SUBUHANA,

ALIYETANDIKA SAMA,

BILA NGUZO KUZUIA.

2.      NI YEYE ALOMILIKI,

KAENEZA KWA MALAKI,

WALA HANA MSHIRIKI,

KATIKA HII DUNIA.

3.      SALAMU ZENYE  HAMASA,

ZENDE KWA WETU AFISA,

BAKARI SADANI HASA,

ELIMU KUSHIKILIA.

4.      SALAMU NI KUSALIMU,

WEWE NI WETU MWALIMU,

ASALAMU ALAYKUMU,

KARIBU NINAKWAMBIA,

5.      KARIBU MGENI WETU,

KATIKA HAFLA YETU,

KISWAHILI LUGHA YETU,

NDIO TUNAJIVUNIA.

6.      NA WAGENI MASHUHURI,

MLOIFUNGA SAFARI,

VYOTE MKAWA TAYARI,

KUUNGANA KWAPAMOJA.

7.      KARIBUNI TWAWAAMBIA,

SALAMU TWAWAPATIA,

HESHIMA KWENU TWATOA,

MKONO NAWAPUNGIA.

8.      WANACHAMA CHAWAKAMA,

MUNGU AWAPE SALAMA,

NAONA MMERINDIMA,

NYOTE MMEHUDHURIA.

9.      BAADA DIBAJI HIYO,

NISEME TULIONAYO,

HILO TENA KUSUDIO,

LEO HII TUKAMEYA.

10.  NI SIKU YA KISWAHILI,

KWA MWAKA SI MARAMBILI,

HILO NISEME UKWELI,

NYOTE MPATE UJUA.

11.  NI MARA MOJA KWA MWAKA,

SIKU HII KUSIKIKA,

MAMBO MENGI TAFANYIKA,

NYOTE MTAJIONEA.

12.  TWACHAKATA KISWAHILI,

KWA SHUGHULI MBALIMBALI,

LUGHA IWE MUHIMILI,

HAPA PETU TANZANIA.

13.  TUTUMIE LUGHA YETU,

NDIO AZIMIO LETU,

HUYU NDIE MWANA KWETU,

WAJIBU NI KUMLEA.

14.  TUKIENZI KISWAHILI,

KIWEZE PIGWA MITHILI,

NDANI MWETU BARA HILI,

NA KOTE KWENYE DUNIA.

15.  LENGO LENYE MSHAWASHA,

NCHI KUISWAHILISHA,

KISWAHILI KUWA KASHA,

KILA NGAZI KUTUMIA.

16.  KISWAHILI KIWE  JUU,

HILI NDILO LENGO KUU,

NGAZI ELIMU YA JUU,

NA KONA ZOTE PAMOYA.

17.  HEBU NYOTE FIKIRINI,

NCHI ZA UGHAIBUNI,

METUMIA LUGHA GANI,

NDIO WAKAENDELEA.

18.  UKIENDA KWA UNDANI,

LUGHA ZAO ZA NYUMBANI,

WACHINA NA MAREKANI,

NDIZO WALIZOTUMIA.

19.  KWA KWELI YASIKITISHA,

TAMAA INA KATISHA,

LUGHA YETU TWAIFISHA,

HIYO INA YOYOMEA.

20.  HIYO INAYOYOMEA,

DUNIANI YAPOTEA,

SOTE WAZUNGU MEKUA,

KISWAHILI NI UDHIA.

21.  TUPANGENI MIKAKATI,

KIWEZE KUPANDA CHATI,

UKUTA WA KANGRITI,

SOTE TUNGEJIJENGEA.

22.   KWENU  NYINYI MAAFISA,

HILI NDIYO LENGO HASA,

MNAPO PATA FURUSA,

NIVYEMA MKATETEA.

23.  NANYI WETU WAHADHIRI,

NYOTE MUWEPO TAYARI,

TUZIONDOSHE DOSARI,

ZOTE ZINOTOKEZEA.

24.  TUJENI KWA WANAFUNZI,

LUGHA YETU TUIENZI,

HAPO TUTAPANDA NGAZI,

KILELENI TUTAKUA.

25.  CHAWAKAMA TUSILALE,

NATUWE KUMBELEMBELE,

DONDA LIKIOTA NDWELE,

KWA KWELI TUTAUMIA.

26.  HONGERENI CHAWAKAMA,

NYOTE KUSIMAMA WIMA,

TWAWAOMBEA SALAMA,

CHAMA KIZIDI KUMEA.

27.  CHAMA KUKIENDELEZA,

VIZURI KINATUFUNZA,

NAOMBA KIWE CHAKWAZA,

HILI KULIANGALIA.

28.  NITAKUWA MTU  DUNI,

KWA NYOTE MLIYO NDANI,

KAMA SIJAWAMBIENI,

VIGOGO WANOKILEA.

29.  WALEZI WA CHAMACHETU,

WAKWANZA MWALIMU WETU,

MZEE KONDO NI WETU,

CHAMA KAKISHIKILIA.

30.  NA ALHAJI TAMIMU,

WENGI MNAMFAHAMU,

AYABEBA MAJUKUMU,

KATIKA CHAKE KIFUA.

31.  UKIJA KWA WAHADHIIRI,

HAPA KWAKWELI NI SHWARI,

HEBU CHEKI MANDHARI,

LEO ILIYOVYOTULIA.

32.  MWALIMU WETU HAMADI,

KWAKWELI NI MARIDADI,

SIO JOTO SI BARIDI,

YEYE KWAKE MAMBO POA.

33.  NA BI FATUMA  KAWALE,

BI KHADIJA VILE VILE,

NAWAJE NAE YU PALE,

KITINI AMETULIA.

34.  MWALIMU WETU PONERA,

YEYE HANA MASIHARA,

KONGAMANO LIWE MARA,

MICHANGOYE ATATOA.

35.   KIVULI  MVUMO KAKA,

MKE NAMPA TALAKA,

KWAKWELI NA BURUDIKA,

SHAIRI NIKIPITIA.

36.  BWANA AHMEDI SOVU,

CHAWAKAMA N I MWEREVU,

CHAMA HAKIFANYI KOVU,

MCHANGO WAKIPATIA,

37.  KAKA YETU SELASELA,

SIIJUI YAKO ILA,

CHAWAKAMA NICHAKULA,

KUKIKOSA NI UDHIA.

38.  NI SAFU YA VIONGOZI,

CHAWAKAMA KILA NGAZI,

HAWA NDIO WAPAGAZI,

MZIGO WAJIBEBEA.

39.  KATIBU WETU MIKIKI,

AFRIKA MASHARIKI,

JUMBE UMESTAHIKI,

HONGERA NAKUPATIA.  

40.  MWENYEKITI CHAWAKAMA

MATIBWA HEBUSIMAMA

KATIBU USIWENYUMA

KIULA NAKUNGOJEA.

41.  KAMATI YETU YA FEDHA,

TAKATO AMEIWEZA,

BAJETI AKITANGAZA,

NYOTE MTAFURAHIA.

                         42.  NA VIONGOZI WENGINE,                                       

                                  KWA PAMOJA NIWANENE,                                                

                                 ITIFAKI NISIKANE,                                                  

                        NYOTE MNGESALIMIA.                                          

                               43.  AWABARIKI MWENYEZI,                           

MUZIFANYE VYEMA KAZI,

MUEPUKE VIZUIZI,

MOLA ATAJAALIA.

44.  TUNA NYINGI CHANGAMOTO,

NI KUBWA SI ZAKITOTO,

KWA KWELI ZATUPA JOTO,

UNYONGE ZINATUTIA.

45.  VIPIGA CHAPA KIPATA,

KWAKWELI MOYO TATUTA,

HI VI VYOTE KIVILETA,

CHAMA CHETU TAPUMUA.

46.  ATUJALIE MANANI,

TUIFUZU MITIHANI,

YASIRI NA HADHARANI,

MUNGU ATONGOZE NJIA.

47.  AMPE WETU SADANI,

HURUMA KWAKE MOYONI,

AWE WA KWETU MGENI,

MAHAFALI KIFIKIA.  

48.  NASRA WENU FUADI,

MGHANI NILORADIDI,

            MALENGA ALI HAMADI,

            CHAWAAKAMA TWATOKEA.